Pakiko Bo Mes Negoshi?
Esnan ku a tuma e inisiativa aki, a mira, ku Bonaire tin hopi inisiativanan chikí i bon, pa kua ta hopi difisil pa haña un finansiamentu. E tipo di ideanan i plannan aki, ta trese pa Bankonan hopi bes mes tantu trabou ku esnan di embergadura grandi, miéntras ku e gastunan si ta keda igual. Pues pa e Bankonan ta hopi difisil pa duna servisio na e sektor di merkado aki.
Aki Bo Mes Negoshi gustosamente ke kontribuí ku algu, i p esei a desaroyá un idea pa duna asistensia na empresarionan chikí i tambe e empresarionan ku ta den proseso pa lanta nan empresa chikí. Bo Mes Negoshi a desaroyá diferente servisio pa esaki, ku mas despues lo bini na vigor.
« Bai ariba
Pa ken Bo Mes Negoshi ta?
E servisionan di Bo Mes Negoshi ta pa tur hende ku:
- tin un negoshi òf ke start ku un negoshi;
- tin un bon idea pa esaki;
- ta permanesé permanente riba Bonaire;
- tin un permanensia legal riba Bonaire.
« Bai ariba
Kiko Bo Mes Negoshi por hasi pa bo?
Bo Mes Negoshi por para garantia pa bo negoshi na Banko òf un otro finansiadó, te ku un máksimo di ANG 10.000,=, di manera ku bo ta bini na remarke pa finansiamentu.
Bo Mes Negoshi por duna bo guia na momentu ku bo ta atkerí e pèrmitnan i registrashonnan nesesario.
« Bai ariba
Otro servisionan di Bo Mes Negoshi
Bo Mes Negoshi kier tambe inisiá den forma di ekipo ku un kantidat di negoshi.
Por ehèmpel:
- un infrastruktura di empresarionan;
- reunionnan ku un karakter sosial pa diskutí sierto tópikonan, ku tin relashon I ku ta na disposishon di kada empresario;
- oportunidat pa ofresé seguronan konhuntamente, ku por ta hopi bentahoso pa loke ta konserní e tarifanan;
- un plan di spar kolektivo ku òf sin meta di spar spesífiko;
- un buzon di keho i di ideanan, pa kual kada partisipante por hasi uso di dje.
Bo Mes Negoshi-netwerk
Manera nos a menshoná anteriormente, Bo Mes Negoshi ke lanta un infrastruktura den kua partisipantenan por komunika ku otro tokante tur sorto di tópiko, ku ta relashoná ku nan negoshi i ku komersio di Bonaire.
Poko poko nos tur sa, ku ta hopi bes hopi difisil komo empresario chikí haña oido serka e empresarionan ku mas eksperensia. Si nos presentá nos mes konhuntamente, nos ta pará den un posishon muchu mas fuerte.T esaki ta e pensamentu tras di e infrastruktura i e servisionan mara na esaki.
Bo Mes Negoshi pa bo
i
pa bo mes negoshi
« Bai ariba
Tuma kontakto ku
Stichting Bo Mes Negoshi
tel/fax 7176315
cell 7860609
email: info@bomesnegoshi.com
« Bai ariba
Links
BITS bv webdesign
« Bai ariba
Disclaimer
... E parti aki lo wòrdu yená prónto ...
« Bai ariba
